Исатай ауданында Тәуелсіздік күніне орай аудандық турнир өтті

Исатайда Тәуелсіздік күніне орай волейболдан аудандық турнир өтті, деп хабарлайды Исатай ауданы әкімдігінің баспасөз қызметі. 

Жанбай ауылындағы спорт кешенінде өткен турнирдің ұйымдастырушысы Атырау облысы білім және ғылым қызметкерлері кәсіптік одағының Исатай аудандық комитетінің филиалы және «БАРЫС» балалар-жасөспірімдер дене шынықтыру даярлық клубы.

Жарысқа Аққыстау, Абай, Өркен, Ф.Оңғарсынова, Исатай, Ж.Мырзағалиев, Новобогат орта мектептерінің командалары қатысты.

Жарыстың ашылу салтанатында аудан әкімінің орынбасары Нұрғайша Абижан, аудандық білім бөлімінің басшысы Гүлайна Құрманғалиева сөз сөйлеп, спортшыларға сәттілік тіледі. Жарыс қорытындысы бойынша 1-орынды Аққыстау, 2-орынды Ж.Мырзағалиев, 3-орынды Абай орта мектебі иеленді.  Сондай-ақ Абай орта мектебінің ұстазы Ұзақбай Әбілқасов «Үздік ойыншы», Ж.Мырзағалиев орта мектебінің ұстазы Жанатолла Жанғалиев «Үздік жалғаушы», Аққыстау орта мектебінің ұстазы Ерлан Кукумов «Үздік қорғаушы», Өркен орта мектебінің ұстазы Жарасхан Сағындықов «Үздік шабуылшы» атанды. Жеңімпаздар мен жүлдегерлер арнайы кубок, дипломдармен марапатталды.