Индербор кенті, Х.Нұрманов көшесінен жаңа үлгідегі балалар спорт алаңы пайдалануға берілді, деп хабарлайды Индер ауданы әкімдігінің баспасөз қызметі. Тәуелсіздік күніне орай ашылған, аумағы 1 600 шаршы метрді құрайтын нысанда балалар үшін барлық жағдай жасалған. Бұл жерде футбол алаңы салынып, балалар ойнайтын арнайы құрылғылар қойылып, «STREET WORKOUТ» орнатылып, спортпен шұғылдануға толық жағдай жасалған.
-Жастардың уақыттарын босқа жоғалтпай, спортпен шұғылданғаны маңызды. Ал белгілі бір спорттық жетістіктерге жетіп, еліміздің көк туын желбіретіп жүрсе, одан артық не бар?! Сондықтан бұл спорт алаңының ауданымыз үшін маңызы зор,- деді Индербор кентінің әкімі Шалқар Алмурзиев.
Айта кетейік, бүгінде Индер ауданында 32545 халық болса, аудан орталығында 15015 тұрғын мекен етеді.
Свежие комментарии